Unglaublich aber wohr, mer honds doch no hei gschafft, gsund, gefrässig, mit herrliche Erinnerige und amene grusige Jetlag. Nochdem Ethiad und Qatar üsi Heiflüg storniert hönd, hani ein Tag vor Heiflug no en 3. Flug mit de Emirates buechet und siehe da, trotz Sturm, massiver Verspötig, 12 kg Mehrgwicht und ultrasecem Abschluss in Perth simmer hei ko.
Nochere holprige Fährüberfahrt vo Kängaroo Island simmer für en Kurzbsuech id Wygebiet vo McLaren Vale gfahre, e traumhaft Gegend. Wils üs aber de Tag verschifft hät, hömmer d’Glegeheit zum packe gnutzt und üs denn am Obet inere Wybar amüsiert, bismer am nöchschte Tag ziemlich glitte hönd. Egal, mier gnüsses üsere letscht Tägli in Adelaide no.
Eigentlich hät mi Adelaide nie würklich toll und es biz langwiilig dunkt, aber hey, uf de Suechi noch e paar spannende Graffities, lerne er plötzlich, e schöni, lebendig Siite vo dere Stadt kenne❤️
