Plant wär gsi, via Bremer Bay noch Albany und in Cape Howe NP zfahre, Bremer Bay hömmer letscht Mol ziitlich nöd gschafft und so würklich greizt häts üs au nöd, jetzt nemeres mit. Schnell merkemer, dass Bremer Bay en Schuss in Ofe für üs isch, es git kei Town Center und nöd eis schös Gebäude, au kei Esplanade, d’Bucht sälb isch troche und de Camp Ground isch Wohnwage a Wohnwage. Reize tuet üs nur s’Resti vode Brewery, wo denn no de Camper vo üserne Neigbours from Hell arauscht, isch für üs klar, mir fahred wiiter.
Also, kliini Planänderig, mir fahred id Stirling Ranges. Kei Ahnig was döt genau z’mache isch, aber mit finded en richtig schöne Bush Campground.
Es git en Stirling Range Drive, dä nememer, Berge ufelaufe magi nämlich nöd. Nützt aber alles nix, de Markus jagt mi doch no en Berg ufe… Eigentlich nur mit Viewpoint agschriebe isches eher en Class 4 Trail mit ziemlichem Gekraxel über Felse. De Blick übers Land isch defür richtig idrücklich, seit de Markus.
De „Karri boya-k“ (Tree in the Rock) im Porongurup National Park nehmemer au no mit.
Ufem Weg zum Granite Skywalk wo zum Castle Rock führe nimmt de Markus aber e Siitestross zum Wansborough Walk, döt verzettlemer üs so es biz. Sehr, sehr steil und schweissig isch de Ufstieg, viel meh als vorher gsehmer aber nöd, Oke, e Schlange flüchtet no vor mine Füess.
Morn gits en fuule Tag in Albany.
sehr schöne Bilder habt ihr wieder gemacht. Beim Text habe ich erst gedacht: was für eine Sprache ist das, bis ich gemerkt habe, dass es Rheintalerdialekt ist.
Geniesst den Aufenthalt.
Hi Madeleine, danke, es ist herrlich hier! Gris, ist kein originaler Dialekt, sonst würde den ja niemand verstehen🤭. En liebe Gruess, Marietta&Markus
😂 und i ha daför erscht wo i bi de Kommentär aacho bi gmärkt das de Blog damol i gmässigtem Rheintaler Dialäkt geschribe isch 😂
Coole Papagaie!
🤪🤪🤪