Noch drü Täg Staubstrosse und Bushcamps ohni Duschi im Fitzroy NP hät sich die uf üserem riesige, unpersönliche, luute, Kinderspielplatzlärmcamping trotz allem himmlisch agfühlt. Aber jetzt gönnemer üs zerscht en gmüetliche Stadtbummel und es nöd sälb kochts Miggagässe im härzige Kolonialstädtli Albany.
Scho bim Inefahre werdemer vo traumhaft schön gmachte Tiergraffities begrüesst.
De kurze Abstecher zum „The Gap“ und de „Natural Bridge“ isch sehr idrücklich.
Sodeli, fertig mit Stadt und Tourihighlights, es goht wieder uf d’Gravel Road und in West Cape Howe NP.
Ah, jetzt gfalled üs d’Strosse wiederErschte Blick uf de Beach und gad au de CampgroundNa, das isch doch mol en Stellplatz, fasch nöd z’glaube, dass em Markus sini erschte Kommentär „das isch jo nur en Parkplatz und „es hät kei Barbeques“ gsi sind…Breakfast with a viewWC HüsliSogär Bushtoilettene sind in Australie immer suuber, es hät WC Papier und entweder en Regewassercontainer mit Hahne oder es Desi zum Händli wäsche ..Ah ja, und Gsellschaft hät me au immer, so mues me nöd s’Handy zur Unterhaltig ufs WC mitneh, isch e unhyienisch und Empfang gits do au keine….Am nöchschte Morge zeigt denn au de Markus agmessene Begeischterig!Having Fun
